اشمن (كاطاسطروف) ا الخوت؟ راه كتمشيو غالطين مع الأهداف لي على ودها كتلعب الماتشات التحضيرية والودية خاصة ديال الصيف , ماشي النتيجة لي مهمة وحتى الأداء ماشي مهم , الأداء غير باش يشوفوا جاهزية اللاعبين وإلى كان شي لعاب جديد كتجربوا الفرقة كيكون المقياس باش يشوفوا الى يخليوه ولا يصيفطه , بحالو , الهدف من هاد الماتشات هو ان المدرب يشوف (الديفو) الأخطاء ديال اللعابة فقط لا غير باش يصححها قبل ماتبدا الرسميات , اما المميزات ديال اللعابة راه كاتكون معروفة والا علاش غاديين يلعبوه فالفريق الى كان مسالي؟ واش الفرقة الثالثة ولا الثانية ديالنا لعبنا بالجنيور وخسرنا 1/0 بزز مع الجديدة والرجا , وتعادلنا مع الشباب 0/0 بالفرقة الأولى تقريبا واش هادا مقياس باش تحكموا عليه بالكارثة ولا المصيبة؟